這本冊內面分做4个單元。
第一單元「阿母的跤印」，每一首詩攏只有3逝。一个深思的體會，用上少的語言來表達。初踏入母語的文字的世界，予家己上簡單的練習，同時，3逝，嘛是邀請初學者，進入母語語境的橋樑。
第二單元「旅途」，詩有長有短，有發表佇雜誌的，嘛有比賽著等的。我佮意用心看世界，看身軀邊的事物，感動人的，予心溫暖的，攏是我採集的內容。
第三單元「桃仔佮阿媽」，這是上放鬆、上趣味的內容。4歲的孫仔愛畫圖，阿媽愛寫詩，兩个人一南一北，用按呢咧跋感情。
第四單元「月娘的曲盤」，寫親情寫厝邊，寫絚絚挽牢佇記持的物件。遐的故事，像月娘守佇故鄉，無暝無日咧唱歌。
阿媽
語言
文字
