「恭喜你，我哋已經決定請你。你幾時可以返工？」
「吓？咁簡單？」
「問題一兩條就夠試啦，你中文又唔好，英文又唔得，我哋唔驚你走咗去。而且為人又老實，亦啱晒我哋嘅要求。」
伊一個係關於一份工作嘅故事！
伊一份工，全香港只請一個空缺！
伊一份工，更加得香港先有，全球獨家！
伊一份工，可以瞓到黃朝百晏！
返到公司，都可以繼續瞓到死豬咁！
絕對無呃人！
英文都唔需要Fluent！
最緊要老實就得。
伊一份工作，開始咗，就要做一世，無得返轉頭！現在就同你講解「陰間郵差」工作內容
每一位香港市民，一生之中，都可以享有一次別具意義的香港郵政免費服務——
就係寄一封信連附件郵包給已逝世，陰陽相隔的至親。只要係香港市民就可以，但機會就只得一次，只能夠享用這個特別送信服務一次。這是香港歷史悠久的秘密傳統，而你，南門亮，就係新上任專門負責到陰間送信的郵差，你將要穿梭陰陽兩界時空，代替生者，親手送信給死者。
每晚的旅途中你會為一個一個陰陽相隔的香港市民，解開心中的糾結與遺憾，亦可能係帶來真相和希望，甚至係揭露信件背後的陰暗秘密，以及生者死者的共業。每解開一個業，結一個緣，也同時係南門亮你面對自己的一步……
XXXXXXXXXX
「南門亮，1993年3月4日出生，任職香港郵政局特別部門郵差，時間1年。」
每到夜晚八點，每個人都返晒屋企嘅時候，我仍然一個人喺郵局，正式我嘅送信工作。
陰間、黃泉、地府，無數嘅名字，一個人死後去嘅地方。
一個車水馬流、古色古香嘅地方。
呢個地方嘅時間，好似永遠都停喺某一個點，永不前進。
只係呢度生活，並唔係想像中咁憩靜寫意。
到陰間送信，只有兩條守則。
一，永遠唔好入人哋屋企。
二，信只能送一次。
